የአባል መብት
ማንኛውም የፓርቲ ሙሉ አባል የሚከተሉት መብቶች ይኖሩታል፡-
- በፓርቲው አካላት ምርጫዎች የመምረጥና የመመረጥ፤
- በፓርቲው ጉባኤዎች የመሳተፍ፣ በውይይት የመካፈልና በድምፅ በሚወሰኑ ጉዳዮች ላይ ድምፅ የመስጠት፣ በማንኛውም ጉዳይ ላይ በሕጋዊ መድረኮች ሐሳቡን በጽሑፍም ሆነ በቃል የማቅረብ፤
- በማንኛውንም የፓርቲ አካል ወይም አባላት ላይ በተቻለ መጠን በመረጃ የተደገፈ ገንቢ ሂስ የማቅረብ፤
- በየትኛውም የፓርቲ ውሳኔ ቅር ከተሰኘ ቅሬታውን በመተዳደሪያ ደንቡ መሰረት በየደረጃው ለሚመለከተው አካል የማቅረብ፤
- ስለራሱ፣ ስለአካል፣ ስለፓርቲው ማወቅ የሚገባውን ነገር እስከ ፓርቲው ማዕከላዊ ኮሚቴ የመጠየቅና መልስ የማግኘት፤
- የፓርቲውን መተዳደሪያ ደንብ፣ ፕሮግራም፣ አቋሞችና ውሳኔዎች ለሌሎች የማሳወቅ፤ የማስተዋወቅ፤ የማሥረጽና በተጨባጭ እንዲተገበር የማድረግ እና፤
- በየትኛውም ጊዜ በጽሑፍ አመልክቶ እና በእጆቹ የሚገኙ የፓርቲው ንብረቶችን ኃላፊነት በተሞላበት አግባብ አስረክቦ ከአባልነት መልቀቅ ይችላል።